Владата да им пружи помош на   жителите на  Пештани кои  во моментов се најзагрозени  од поплавите  -  порача  денеска претседателот  на СДСМ Бранко Црвенковски.  Состојбата во оваа туристичка населба  е катстрофална, загрижува мешањето на  подземните води со септичките јами,  постои ризик од  заразни болести. Постарите не паметат поголема непогода,  никогаш во Пештани немало ваква непогода. Според Црвенковски, направен  е  голем пропуст од страна на  ЕЛЕМ , поради  несовесно стопанисување со езерото, а временските неприлики придонесоа за уште полоша состојба.

Пештанци претрпеа огромни материјални штети. Надојдената вода  им ги поплави визбите но се лизга и земјиштето. Тие стравуваат дека секојдневно им пропаѓаат куќите.  Затоа уште од сега треба да се утврди  финансиска помош од државата со која жителите ќе ги вратат своите домови во првобитна состојба - рече Црвенковски.  Вистинското решение  во моментов, за да се ублажи  катастрофа од поголеми размери , според жителите е приклучување во колекторскиот систем.

Според жителите, катастрофата допрва доаѓа. Тие очекуваат во мај езерскиот  водостој да порасне за  цели 30 сантиметри. Мерките кои ги презема координативното тело за заштита од поплави не придонесоа  за подобрување на состојбата, се пожалија  жителите. Тие стравуваат дека со вакво Пештани ќе изумре и туризмот.