Советот на општина Охрид во рамките на своето работење како помошно тело минатата година го формира Советот за заштита на потрошувачите. Овој орган се грижи за штитење на здравјето, безбедноста, и за економските интереси на граѓаните.
''Донесена е и програма за работа, со која се опфатени пред се промотивните активности на советот согласно 8-те потрошувачки права на Обединетите Нации и неколку планирани активности'', рече претседателот Вангел Спироски.
Една од активностите е исто така и едукација на членовите на Советот за заштита на потрошувачите за потрошувачките политики. Ова тело е составено од седум членови од редовите на Советот на општина Охрид, претставници на јавните претпријатија, на граѓански здруженија и на министерството за економија.
