Легендарниот пејач од Босна и Херцеговина, Кемал Монтено, ќе добие награда на годинешниов 18 -ти по ред Интернационален музички фестивал "Охрид фест - Охридски трубадури 2011". Популарниот Кемо ќе биде награден за посебен придонес во развојот на музиката на Балканот и ревијално ќе настапи во Интернационалната вечер.

Годинава фестивалот кој го одбележува своето полнолетство ќе ни понуди пет фестивалски вечери. На 23 август ќе се одржи детскиот фестивал ЧУНГА ЛУНГА, 24 август ќе помине во знакот на Вечерта на нови звезди, на 25 август ќе биде Фолк вечерта, 26 август е терминот за Поп вечерта, а на 27 август се спушта фестивалската завеса со Интернационалната вечер.
Фестивалот ќе биде директно пренесуван на Македонската телевизија и на десетина други балкански телевизии.