Под мотото “Реформите ќе победат”  ВМРО ДПМНЕ синока  ја започна изборната кампања од Охрид. Од  градот под Самоиловата тврдина лидерот Никола Груевски порача да за реформите, за развојот на Македонија,   за туристичка промоција на Охрид,  за изградба на патишта, болници, училишта и  универзитети. Вети  подобар животен стандард на граѓаните, повисоки плати и пензии и намалување на даноците.
-  Дали сте за нови 1200 проекти во наредните 4 години.Дали сте за реформи и развој на Македонија. Дали сте за Да. За нови намалувања на даноците?Дали сте за да се намали ДДВ за туристичките услуги од 18 на 5 %,  запраша лидерот  Груевски.

Вложувања во сите полиња  и борба за државните и националните интереси -  вети носителот на листата на петтата изборна единица  Антонио Милошоски.
-  Ние знаеме, можеме и се грижиме. Имаме чист образ  бидејки ги извршувавме работите достоинствено и со почит кон секој еден од нашите граѓани. За разлика од СДСМ кој што изјавуваа дека ќе јаделе живи луѓе  ние изјавуваме дека ќе ја покачиме платата и пензијата на тие живи луѓе, рече  Милошоски.

Бранко ти кажа многу работи против мене, но не кажа за себе. Ти пресече амбиции на илјадници луѓе, затвори илјадници фабрики. Ме викаш на дуел а ти избега од најголемиот дуел на 5 јуни. Се сокри од народот ја пушти Рада да изгуби, обвини Груевски.

Пред повеќето десетици илјади граѓани се обратија  и носителите на листите на сите изборни единици и лидерите на политичките партии коалициони партнери на ВМРО ДПМНЕ. Меѓудругото на Бранко Црвенкоски му порачаа да замине во политичка пензија бидејки Владата ионака ќе ги зголеми пензиите.

Коалицијата предводена од ВМРО ДПМНЕ традиционално од Балканскиот Ерусалим ја најави победата на предвремените парламентарни избори на 5 јуни.