Домаќински со народните пари, чесна и одговорна власт, соработка а не кавги,  солидарност и шанса за секого – ова се основните прнинципи врз кои  се базира новата изборна програма и однесување на СДСМ, изјави на денешната презентација на изборната програма кандидатот за пратеник  од Охрид, Митре Велјаноски.

32 % од македонското население живее во сиромаштија, па според изборната програма  на Социјалдемократите основната најниска плата не смее да биде пониска од 9 илјади денари. Исто така  ќе се овозможи бесплатно здравство за децата под 14 години и лицата над 65 години.

- За сите сиромашни бесплатно здравство, сите видови социјална помош ќе се зголемат за 40 %, право на државна пензија ќе остварат сите граѓани над 65 години, ќе го решиме проблемот на стечајците - истакна Велјаноски.

Со новата програма СДСМ ќе овозможи поуспешен бизнис со подобрување на бизнис климата во земјава. Државата ќе го отвори ќесето за плаќање на каматите на кредитите на оние кои ќе градат нови фабрики и ќе отвораат нови работни места.

- Предвидуваме поддршка на земјоделството. Охрид автопатски да се поврзе со Гостивар и Битола. За полесно до прв стан, државата ќе ја плаќа каматата на станбените кредити за сите лица кои за прв пат купуваат стан - рече Велјаноски.

Велјаноски потенцита дека СДСМ се залагаат за подобра живеачка на граѓаните, олабавување на кредитната политика, изградба на нов клинички центар, државна кардиохирургија и Центар за дијализа.