Туристите можат слободно да доаѓаат. Охриѓани ги чекаат со отворени срца и отворени шахти. На улицата Марко Нестороски пешаците или возачите кои ќе сакаат да се паркираат на тротоарот ќе мора очите да ги отворат во четири, бидејќи ги чека скршен капак на шахта.
Чудо некој бил многу силен и успеал да го подели на неколку делови металниот поклопец кој пропаднал внатре во шахтата. Собирачите на старо железо сеуште не ги забележале овие богати парчиња, инаку досега сигурно некој ќе беше пропаднат во отворената дупка.
Најдобро ќе биде оваа шахта да добие нов капак пред гостите да почнат да доаѓаат и пред да почнат митинзите.
