Денеска општите работници започнаа со чистење на земјата и камењата кои викендов се урнаа во комплексот кај потпорниот ѕид на куќата на Робевци кој служи како заштита на куќата која претставува најавтентичен примерок на старата градска охридска архитектура. Директорката на Заводот и музеј, Тања Паскали Бунташески рече дека оваа година требало да се направи реконструкцијана потпорниот ѕид позади оваа стара градска куќа. Таа истакна дека проценка на материјалната штета не може да се направи дури не се расчисти теренот. Паскали Бунташеска потенцираше дека веднаш ќе биде пристапено кон преработка на проектот за санација на свлечиштето. Потоа ќе биде објавен тендер. Чистењето на теренот треба да се спроведе во најкраток можен рок за да почнат градежните активности.