Вчера неколку тони земја и камења се одронаа во комплексот кај куќата на Робевци и кај Лапидариумот. Уништен е потпорниот ѕид кој служи како заштита на куќата на Робевци како најавтентичен примерок на старата охридска градска архитектура. Директорката на завод и музеј, Тања Паскали Бунташеска рече дека оваа година била предвидена реконструкција на потпорнииот ѕид позади оваа стара градска куќа. За таа намена од Министерството за култура биле наменети средства во висина од 1.5 милиони денари. Таа истакна дека се следела состојбата и бил изработен проект за санација на свлечиштето. Било предвидено санацијата да заврши пред почетомкот на летната труристичка сезона. Голема среќа е тоа што нема човечки жртви. Паскали Бунташеска потенцираше дека ситуацијата сега е значително изменета и дека ќе треба да се преработи проектот за санација на свлечиштето. Тоа ќе се оствари во накраток мкожен рок за да може да започнат градежните активности. Веќе од утре ќе бидат ангажирани општи работници за расчистување на теренот. Тоа е неопходно за да може да се извршат проценки на состојбата.