''Владо Стефаноски секогаш ќе остане симбол на човек , човек со неспорен  и редок интелект , човек со огромни познавања и елоквенција, човек со силно изразено патриотско чувство , човек со хуманост и разбирање, човек со комуникативност и духовитост. Благодарни сме му за секој еден миг поминат со нас.

Изгубивме една реткост , изгубивме човек. ВМРО ДПМНЕ Охрид изгуби еден од своите најквалитетни кадри , а градот Охрид загуби свој достоен репрезент'', се вели во соопштението од О.К на ВМРО - ДПМНЕ. Утре во 11.00 часот во просториите на Центарот за култура ''Григор Прличев'' ќе се одржи комеморативна седница, а д-р. Стефаноски ќе биде погребан на градските гробишта во Охрид во 13.00 часот.