Уапсен е возачот на возилото, со кое беше прегазена 57 годишната Блага Митреска од Охрид. 39 годишниот Гоце Илиоски  со својот  Даеву Матиз, на 1 ви Февруари  во 6 часот и 20 минути, од небрежност предизвика сообраќајна незгода во која едно лице го загуби животот - соопшти денеска  полицијата.  Илиоски во истиот миг веднаш побегнал од местото на настанот, неукажувајќи му никаква помош на тешко повредениот пешак, го сокрил возилото  и се до вчера  беше во бегство. Повредената жена од силниот удар почина на лице место.
Полицијата во недостиг на траги, докази и очевидци се полсужи со оперативно тактички мерки кои резултираа  со расветлување на целиот случај.  На два дена од несреќата,  беше пронајдено возилото  во еден автомеханичаркси сервис во Охрид, а возачот беше пронајден ноќта на 3 февруари.

Гоце Илиоски заработи кривична пријава за две кривични дела, "Тешки дела против безбедноста на лугето и имотот во сообраќајот " и "Неукажување помош на лице повредено во сообраќајна незгода". Од страна на истражниот судија одредена му е мерка притвор во траење од 30 дена.