Новиот оперативен систем на „Мајкрософт“ би можел да го види светлото на денот во 2012 година. Тоа беше сугерирано кога на конференцијата за професионални развивачи за 2009 година беше претставен слајд со план за изминатите и идни проекти на софтверскиот гигант, на кој стоеше дека софтверот со кодирано име „виндоус 8“ ќе биде промовиран во 2012 година. Тоа значи дека „Мајкрософт“ планира да го лансира наследникот на „виндоус 7“ по само три години од неговото излегување, исто како што „виндоус 7“ се појави три години по „виста“. Засега многу малку се знае за „виндоус 8“, особено поради фактот што новиот проект на „Мајкрософт“, најверојатно, се уште е во фаза на идеја.