"Адоб" на сите заинтересирани корисници на оперативните системи на "Мајкрософт" и "Епл" бесплатно им овозможи да ја пробаат бета-верзијата на програмата "Фотошоп Лајтрум 3"

Познатата апликација е наменета за обработка и управување на фотографии, како за аматери, така и за професионалци, а целта на бесплатната бета-верзија е да се демонстрираат новите можности и собирање повратни информации за некои недостатоци што ќе ги споделат корисниците.

Како новости што ќе се најдат и во крајната верзија пред сé се брзото ракување и обработка на фотографии и поголемите можности за детално местење на параметри. Унапредени се алатки за изострување, појаки ефекти, а додадени се и две „Вигнет“ за постигнување што поприроден изглед на фотографиите.

Бета-верзијата на „Фотошоп Лајтрум 3“ е достапна за бесплатно симнување од официјалната страница на „Адон Лабс“.