На одржаното 82 ро издание на престижната награда „Оскар" статуетката ја освои Кетрин Биголоу за филмот ,,Hurt Locker,, кој воедно синоќа освои уште 5 оскари. Презентерот на наградата, пејачката Барбара Стрејсенд го отвори пликото со зборовите " дојде времето", мислејќи на времето на жената. Оскарот Биголоу им го посвети на сите жени и мажи - војници во мировната мисија во Ирак и им посака безбедно да се вратат дома. Инаку, нискобуџетниот филм на 82-то доделување на Оскарите го победи и филмот на нејзиниот поранешен сопруг Џејмс Камерон, Аватар, кој пак ги собори сите рекорди на гледаност со што заработи фантастични 2, 6 милијарди долари наспроти скромните 21 милион на Hurt Locker. Членовите на Академијата, Оскарот за најдобра женска улога и го додели на Сандра Булок, а Џеф Бриџис беше добитник на наградата за најдобра машка улога.