Човекот е тоа што тој го мисли. Потсвеста не е во состојба да се спротивставува, туку прифаќа се што ќе и упати свеста.   Никогаш немојте да речете, „Немам пари за такво нешто“ дури и ако е тоа точно. Одберете подобра мисла, „Ќе го купам тој предмет. Во мислите веќе е мој.

Секој човек располага со можност да избира. Определете се за здравје и среќа. Можете да одберете љубезност или нељубезност кон ближните. Определете се за соработка, радост, љубезност и ќе ја забележите благопријатната реакција на сите околу вас. Тоа е најдобриот начин да се развие позитивна личност.

Свеста е „чувар на портата“ и нејзината основна задача е да го попречи навлегувањето на лажните впечатоци до потсвеста. Определете се за верување во можноста за позитивни настани. Човековата најголема моќ е способноста да избира. Одберете ги среќата и изобилието.
Секој човек е капетан на својата душа (потсвеста) и господар на својата судбина. Немојте да заборавите дека имате моќ на избор. Одберете ги животот, љубовта, здравјето, среќата!