Бизнисменот Каши Самадар од Индија постигна необичен рекорд посетувајќи ги сите 218 земји во светот, 194 независни и суверени држави - членки и признати во ОН, за шест години, девет месеци и седум дена.
Каши Самадар (55) своето долго патување го почнал во Холандија, а го завршил во последната држава што прогласи независност, Косово. Патувањето го чинело речиси 390.000 евра и понекогаш се изложувал во опасни ситуации, загрозувајќи го дури и сопствениот живот.

- Тргнав од Амстердам, а завршив во Косово. За време на долгата авантура животот многу често ми беше во опасност, пред се', во земјите со војна како што се Авганистан, Сомалија и Суринам - изјавил Самадар.

Во Кабул и' избегал на смртта, бидејќи во хотелот каде што бил сместен експлодирала бомба непосредно по неговото заминување, доживеал глад и многу други опасни и помалку опасни ситуации.