Во метеоритот Havero, кој паднал во 1970 година во Финска, откриени се две врсти на јаглероден кристал.

Tristan Ferroir, професор од универзитетот во Лион во магазинот Earth and Planetary Science Letters известил дека со неговиот тим пронашле нов материјал поцврст од најпосакуваниот камен на светот.

Новооткриениот минерал останува подеднакво имун на бушење од било кој правец. Од двата откриени минерали, еден е од врстата на дијамант, кој научниците го предвиделе пред неколку децении, но до сега никогаш не е пронајден во природата. Другиот е потполно непознат, а првите анализи покажуваат дека настанал од графитни слоеви на сличен начин како што се произведуваат и вештачките дијаманти.

"Откритието беше сосем случајно. Но, ние сме сигурни дека студијата на проучување на слични метеорите ќе доведе до нови откритија во јаглеродниот систем", изјавил професорот Ferroir. Поради малата количина на новооткриениот минерал, професорот неможел да направи подетални анализи, кои би покажале колку е тој материјал навистина цврст, но сигурно многу ќе им помогнат во подобро производство на вештачки дијаманти.