Жените во Јапонија имаат најдолг животен век на светот, со просек од дури 86 години, додека во машката конкуренција најдолг животен век имаат жителите на Сан Марино кој во просек живеат 81 година, објавила светската здравствена организација.

Организацијата со седиште во Женева соопштила дека мажи кои живеат најкратко се оние во Сиера Леоне со просечен животен век од 39 години, а меѓу жените најкраток животен век имаат Авганистанките од само 42 години.
Добра вест е дека земјите како Ангола, Еритреја и Либерија значително ги подобриле своите здравствени услови а со нив и се зголемил и животниот век.
Од друга страна пак во Боцвана, Лесото и Кенија од 1990 просечниот животен век се намалува.
Овие податоци се основаат на статистика од 2007 година, што воедно претставува и последна евиденција од овој тип која постои.