По радосниот празник Цветници започна страдалната недела Започнува  одбележувањето на последните денови на најголемите маки и страдања на Спасителот на човечките души и Дарителот на животот, Господ Исус Христос.

Богослуженијата во црквите во оваа страдална седмица започнуваат на Велика среда со преждеосвештена литругија на Свети Василиј Велики и мало повечерие. На Велика среда се обновува споменот на подготовките на Јуда за пари и со бакнеж да го предаде својот Учител.

А Велики петок е најтажниот ден за христијаните, денот на распнувањето на Спасителот на крст.
На Велика Сабота утрото со Василиева литургија ќе се се прослави слегувањето на Господ Исус Христос во адот од каде ќе ги избави Адам и сите кои починале со верба во Воскресение на нивните души. И точно на полноќ со биење на канбаните ќе се  објави славното Христово Воскресение. Оваа седмица верниците постат за в недела радосно да го дочекаат Христовото Воскресение - Велигден.